Ophetivo
Pa medio di nos programa ningun mucha no tin nodi di bai skol ku hamber. Tur dia di skol 572 mucha di famianan di ménos rekurso na Boneiru ta risibí un desayuno grátis na skol òf akohida.
Preguntanan frekuentemente hasí
Kua mucha ta bini na remarke pa desayuno na skol?
Muchanan ku ta partisipá na e proyekto ta mayoria bia muchanan i hóbennan ku ta den situashon ménos faborabel. E direktornan, maestronan i guiadónan na e skolnan i instansianan konosé e muchanan/hóbennan aki i nan situashon na kas sufisientemente bon pa sa ku ta trata di muchanan ku berdaderamente tin e nesesidat. E skolnan i instansianan ta hasi un petishon pa esei na Stichting Voeding op School. Stichting Voeding op School ta konfia riba e evaluashon di e skolnan i instansianan ku ta duna e kantidat i no ta partisipá na e selekshon di e partisipantenan.
Ken ta finansiá ‘Voeding op School’?
Desde 2012 Entidat Públiko Boneiru ta finansiá e proyekto pa medio di un kontrato di kuido ku Stichting Voeding op School.
Kon e distribushon di e kuminda ta organisá?
Pa 7.00 or di mainta e paketenan ta pará kla na Pietersz Distribution. Pa kada skol o instansia un garoshi ku e kantidat nesesario pa e organisashon konserní. Un representante di e skol/instansia ta rekohé e pakete, ku despues ta keda prepará na skol i ta parti esaki pa e muchanan. E muchanan ta risibí pan ku belèg, djus i fruta. Ta varia ku belèg zut i otro smak, djusnan di sabor i tambe yògert.
