Informashon
Dikon e desayuno ta importante pa e muchanan?

Un bon desayuno ta importante pa tur hende, sigur pa muchanan ku ta bai skol. Den un investigashon na Hulanda (Gorissen e.a.1999) maestronan a siñalá hamber i falta di konsentrashon serka muchanan ku no a desayuná. Esaki por tin konsekuensianan pa e prestashon na skol.
Ademas e tentashon ta grandi pa mas lat durante dia kome loke tin numa e momentu ei. Hopi bia esakinan ta pasaboka ku ta kontené relativamente hopi vèt i energia pero tiki vitamina i mineral. E estudio ta mustra ku muchanan di skol ku no tuma desayuno mayoria bia tambe tin mas probabilidat di tin sobrepeso kompará ku muchanan ku si ta desayuná. Ademas kome muchu pasaboka tambe ta malu pa e djentenan. P’esei nunka no ta rekomendabel pa no tuma desayuno.

Desayuno ta un bon start di dia
Desayuno ta duna bo yu energia atrobe despues di anochi. Desayuno ta start e sistema di digestion. Ademas esaki ta kita e gana di bai snup òf di kome kuki mas lat den kurso di mainta. Lùnch ta duna bo yu pèp pa siña i hunga hinter traimèrdia.

Desayuno ta importante

Desayuná bon ta importante pa tur hende, pero prinsipalmente pa mucha ku ta bai skol. Maestronan ta señalá hambresa i mal konsentrashon serka mucha ku no a desayuná. Esaki tin su konsekuensianan pa e prestashon na skol. Ademas e tentashon ta grandi pa na un momentu mas lat kome numa loke tin pa kome. Hopi biaha esakinan ta kos di pasaboka ku tin relativamente hopi vèt i energia, pero tiki vitamina i mineral. Mucha di skol ku no ta desayuná, hopi biaha tambe ta mas pisá den komparashon ku mucha ku si ta desayuná, investigashon ta saka afó. Komementu di hopi pasaboka ta ademas malu tambe pa djente. Pa e motibunan akí desayuno ta asina importante.