Un proyekto di Stichting Voeding op School Bonaire. 

Ophetivo:

Muchanan ku ta bini di famianan di ménos rekurso ta risibí dia di nan kumpleaño un regalo. 

Método di traha

Ta selektá e muchanan for di esnan ku ta partisipá na nos programa kuminda na skol. 

Den koperashon ku e sekshon di Asuntunan sosial di entidat públiko Boneiru ta hasi e selekshon. Nan tin bista di tur famia di ménos rekurso.

Nos Fundashon ta enkargá pa kada mucha risibí un pakete. Ta tene kuenta ku edat i género. E edat ta di 4 te ku 12 aña.  

. 

E aña aki nos ke laga 240 mucha bini na remarke. Tambe nos ke pone 20 pakete pa beibi i 20 pakete pa muchanan di 12 – 16 aña.

Nos no ta risibí supsidio (ainda) pa e proyekto aki. P’esei nos tin hopi nesesidat di bo donashon i sosten.     

Kolaborashon
Nos ta traha huntu ku Stichting Jarige Job na Hulanda. Nan ta bai fasilitá nos ku sufisiente pakete di kumpleaño i nan ta laga hiba e paketenan na e transportadó na Hulanda. Ei ta pone e paketenan den kònteiner pa bai Boneiru. Ta tene e paketenan den e kònteiner te dia di e mucha su kumpleaño.
Algun dia promé ku e mucha hasi aña, un boluntario ta hiba e pakete na e famia. Na Boneiru ta pone algu dushi pa parti den klas i na kas.

Na Boneiru tin muchanan ku kada aña atrobe no por selebrá nan kumpleaño pasobra na kas no tin sèn. Proyekto Kumpleaño ta yuda e muchanan dor di regalá un pakete di kumpleaño. Aki den tin tur kos ku mester pa selebrá un bon kumpleaño, na kas i na skol.